Aurland Hamn
Aurland kommune sitt sjøareal omfattar Aurlandsfjorden og Nærøyfjorden, og hamnene Flåm, Gudvangen, Aurland, Undredal, Dyrdal, Styvi og Bakka. Heile sjøarealet ligg innanfor UNESCO sitt verdsarvområde Vestnorsk Fjordlandskap - delområde Nærøyfjorden. Det finst faste båtruter i heile året.
Aurland Hamnevesen KF er eit kommunalt føretak som driv hamner og planlegg og byggjer nye anlegg. Føretaket vart starta i 1999 samstundes med at cruisekaien i Flåm vart teken i bruk. Hamnevesenet har kontor på cruisekaien i Flåm. Post, sak og arkiv vert handtert digitalt av Aurland kommune.
- Berre nøgde passasjerar ombord
Måndag 26. juli 2010 er ein merkedag for ekspressbåtsambandet frå Flåm til Bergen. Fjord1 har innvestert i ny båt på dette for hamna viktige sambandet. Båten er lettare og brukar mindre dristoff, likevel tek båten fleire passasjerar enn forgjengarane. I forhold til Solundir, brukar den heile 30% mindre drivstoff. Sognekongen har høg komfort, og det er rikeleg med plass for dei som vil røra på seg både inne og ute. Det er valt skinnstolar der folk som vil sjå ut alle sit i fartsretningen. I midtfeltet er det bord for dei som vil arbeida eller nyta ein kopp kaffi.
Måla er Lengde=38m, Breidde=11=m og Djupn=1m, medan marsjfarten inn Aurlandsfjorden var 32 nautiske mil i timen som tilsvarar 60 km/t.
20. juli 2010 er det for første gong meir enn 6000 cruisepassasjerar samstundes på to skip. P&O sitt Ventura ligg for anker med 3280 passasjerar og Costa Deliziosa ligg til kai med 2784 passasjerar. I tillegg kjem 2134 tilsette som samla gir 8198 personar på det to skipa. Begge skal liggja heile dagen i Flåm med avgang kl. 18.00.
Ventura og Costa Deliziosa
For andre året på rad vitja SS Oceanic oss. Båten er eigd av organisasjonen “Peace Boat” og er på jordomsegling. Den har med seg 924 passasjerar og mannskap på 307. Mellom passasjerane er det ein større FN-delegasjon. Dagen før låg båten i Bergen og då nytta ein del av dei høve til å gå i Flåmsdalen. SS Oceanic vart for vel ein månad sia forsøkt kapra av piratar utanfor Yemen. Ved å manøvrera skipet i sikk-sakk og samstundes spyla på piratane med vasskanoner heldt dei piratane unna lenge nok til at marinebåtar kom til og tok hand om piratane. Båten var ny i 1965 og hadde då fleire nye og framtidsretta løysingar. Livbåtane som tidlegare var plassert på toppen er bygd inn på eit lågare dekk. Symjebassenget fekk eit glastak over seg som kan opnast og lukkast alt etter veret. Neste gong dei kjem til Flåm vil dei stansa opp og ikkje berre snu på Stampebukti.
Frå første juni til siste dag i august vil det kvar tysdag liggja ein Costa-båt til kai i Flåm. Først ut er Costa Atlantica som har vore regelmessigt i Flåm sia 2004. Neste tysdag kjem heilt nye Costa Deliziosa og resten av sommaren kjem dei anna kvar veke. Begge skipa er over 290 meter lange.
Costa Mediterranean
Panorama Hardanger heiter eit filmselskap som gjer filmopptak frå fjernstyrde fly og helikopter. Leif Kåre Havås er fotograf og Audun Brekke er teknisk sjef. Klikk deg inn på www.panoramahardanger.no og sjå fantastiske opptak.
Nytt av året på Flåm Hamn er tilbod om gratis trådlaus internettilgang. Tilgangen er berre for dei som kjem seg på innsida av hamnegjerde. Sognenett as er ansvarlege for installasjonen og har lova ny sendar med lengre rekkevidde og som er tilrettlagt for fleire brukarar. Først ute var mannskapet på MSC Orchestra som var godt nøgde med farten. Trass i sur nordavind var det heile 80 dingsar som var pålogga samstundes.
Bel Abri er 52 meter lang
Bel Abri heiter den nyaste luksusyachten. Den kom til Flåm på fredag den 7. mai rett frå verftet i Nederland og skulle liggja over til laurdag . Naturen har tydeligvis falle i smak, fordi båteigaren forlenga likegodt opphaldet nokre dagar. Swimmingpoolen som ikkje var teken i bruk er no fylt opp med kjeldevatn frå Flåm. Måndag er det visning ombord for den yachtinteresserte verdsspressa og tysdag skal dei same journalistane/fotografane fylgja yachten på cruise i Nærøyfjorden. Du finn meir stoff om båten her http://oceanshaker.com/2010/04/09/superyacht-bel-abri-strong-exterior-lines-and-spacious-interiors/ eller http://www.liveyachting.com/amels-luxury-motor-yacht-bel-abri
Det nyaste av Cunard sine skip, Queen Victoria, kjem til Flåm 4. juli. Fleire hamner gjer slik som oss og seier nei når det vert for mange passasjerar samstundes. Etter seglingsplan skulle skipet vore i Olden denne dagen. Dermed tyder prognosane på at Flåm Hamn kjem ut med like mange cruisepassasjerar som i rekordåret 2009.
Fakta om skipet finn du her http://www.faktaomfartyg.se/queen_victoria_2007.htm
Cunard melder at dei byter dato for å få kaiplass til Queen Mary 2 i Flåm. Ny dato er fredag 30. juli som er ein dag seinare enn først oppsett. Costa Luminosa hadde tinga plass først og hadde førsteretten til kaiplass og dermed såg det ut til at “dronninga” måtte liggja for anker. Dette hadde medført at Flåmsbana hadde vorte sprengd denne dagen. Biletet er henta frå http://www.panoramio.com/photo/321671
QM2 i Flåm/ foto Olivier Vuigner
Aldri har cruiseskip kome så tidleg på året som 30. mars. Alt før klokka seks om morgonen var Saga Pearl II observert i innløpet til Aurlandsfjorden og ville med normal fart vera i Flåm før klokka sju. Båten hadde tinga plass til klokka 08.00, men han sakka på farten slik at trossemannskapet sto klar når han seig opp langs kaien. Alle kaivaktene tek ein sesong til, og først ut var Jan Flåm og Jostein Vigerust. Som tidlegare slepp ingen innanfor gjerdet utan dei kan visa fram bordingkort. I tillegg vert 5% av passasjeranen ekstra kontrollerte. Dei flesta av passasjerane tok ein tur med Flåmsbana og to busslaster reiste vidare om Voss og Gudvangen. Ein buss med 43 passasjerar føretrekte Lærdal og Borgund.
