Aurland Hamn

Hamneregulativ 2012

caroline — Wed, 16 Nov 2011 10:13:45 +0000

Føresegn om anløpsavgift og gebyr i Aurland

Føresegn om anløpsavgift og gebyr i Aurland kommune sitt sjøområde og forretningsvilkår for vederlag og tenester i kommunale hamner. Etter lov av 2009‐04‐17‐19 – Lov om havner og farvann og etter – Forskrift om kommunenes beregning og innkreving av anløpsavgift er vedteken av Aurland kommunestyre 15. desember i samsvar med høyringsutkastet: Føresegn om anløpsavgift (pdf).

17. august Indonesia sin nasjonaldag

johnerik — Thu, 11 Aug 2011 15:19:25 +0000

Ingen ting å seia på innsatsen

Ryndam sitt indonesiske mannskap har starta feiringen av nasjonaldagen sin alt den 11. mai med musikk, leikar og kappestridar. Entusiasmen står ikkje tilbake for vår eigen nasjonaldag. Bildet viser maskinistane som tok ein overbevisande siger her.

Queen Elizabeth til Flåm søndag 22. mai

johnerik — Sat, 14 May 2011 16:08:44 +0000

Det går mot ein rekordsesong for cruisetrafikken. Prognosane viser at talet på passasjerar går godt over 150 000 og vil enda 10 000 over tidlegare rekord. Fleire store nye skip er meldt inn. Alt søndag 22. mai kjem Cunard sitt nyaste skip Queen Elizabeth. Skipet vart døypt i Southampton av sjølvaste dronninga sist haust. Kaptein Chris Wells som har fartstid både på gamle QE2 og Queen Mary 2 styrer skipet inn fjorden . Flåm Musikklag vil underhalda og ombord vert det utveksling av plakettar mellom kommune, hamn og skip.

Queen Victoria er søsterskip til Queen Elizabeth. Begge kjem til Flåm i sommar.

Midsommars kjem eit anna nytt skip den 66 000 tonns store Marina. Sett i trafikk i januar i år. Bygd for passasjerar som ynskjer seg god plass og god pleie, 800 tilsette på eit skip som tek 1250 passasjer er høg rate.
Eldre skip, men med nytt namn er Expedition, tidlegare bilferje på Austersjøen og den Engelske kanal med kapasitet på 1200 no ombygd til luksus båt med plass til 137 passasjerar. Andre er Artania (Artemis/Royal Princess), Mein Schiff II(Celebrity Mercury), Kristina Katarina( opphaveleg russisk ruteskip) og Seadream I. Seadream I er nærmast ein yacht å rekna med plass til berre vel hundre gjester.
Prince Daphne har besøkt Flåm kvart år sia kaien vart opna og kjem att i år for 20 gong. Dette er lite å rekna samanlikna med Marco Polo som kjem att for femtiande gong. For førtiande gong kjem Seabourn Pride og Costa Atlantica.

Ocean Countess startar i Hull og kjem 10 gonger til Flåm

Ikkje gløymast skal det at Queen Mary 2 kjem 20. juni og 8. august. Rotterdam VI og Crown Princess kjem på same dagen den 30. juni. MSC Orchestra, Costa Luminosa og Costa Atlantica kjem til kai kvar 14de dag.

Phoenix Reisen sender MS Amadea til Flåm i desember 2012

johnerik — Thu, 04 Nov 2010 12:21:01 +0000

: MS AMADEA liegt in Flåm, einem schönen kleinen Ort im Aurlandsfjord. Foto: Dieter Bromund

Phoenix Reisen prøver noko nytt og har tinga kaiplass for MS Amadea i Flåm 9. desember 2012. I skrivande stund er det over to år til og såleis god tid til å førebu noko ekstra. MS Amadea har vore i Flåm fleire gonger før. Skipet heitte tidlegare Asuka og var eig av eit japansk rederi. Når den besøkte Flåm var det i samband med at skipet var på jordomsegling.

Frå 2006 vart skipet utleigd til det tyske Phoenix Reisen og bytte namn til MS Amadea. Etter namnebyte har skipet vore i Flåm 11 gonger, men alltid på sommaren.

Sognekongen – ny ekspressbåt til Bergen sett i drift.

johnerik — Mon, 26 Jul 2010 12:49:58 +0000

: Berre nøgde passasjerar ombord

Måndag 26. juli 2010 er ein merkedag for ekspressbåtsambandet frå Flåm til Bergen. Fjord1 har innvestert i ny båt på dette for hamna viktige sambandet. Båten er lettare og brukar mindre dristoff, likevel tek båten fleire passasjerar enn forgjengarane. I forhold til Solundir, brukar den heile 30% mindre drivstoff. Sognekongen har høg komfort, og det er rikeleg med plass for dei som vil røra på seg både inne og ute. Det er valt skinnstolar der folk som vil sjå ut alle sit i fartsretningen. I midtfeltet er det bord for dei som vil arbeida eller nyta ein kopp kaffi.

Måla er Lengde=38m, Breidde=11=m og Djupn=1m, medan marsjfarten inn Aurlandsfjorden var 32 nautiske mil i timen som tilsvarar 60 km/t.

P&O Ventura og Costa Deliziosa samstundes til Flåm

johnerik — Tue, 20 Jul 2010 08:36:10 +0000

20. juli 2010 er det for første gong meir enn 6000 cruisepassasjerar samstundes på to skip. P&O sitt Ventura ligg for anker med 3280 passasjerar og Costa Deliziosa ligg til kai med 2784 passasjerar. I tillegg kjem 2134 tilsette som samla gir 8198 personar på det to skipa. Begge skal liggja heile dagen i Flåm med avgang kl. 18.00.

Ventura og Costa Deliziosa

Costa kvar tysdag

johnerik — Mon, 31 May 2010 13:19:22 +0000

Frå første juni til siste dag i august vil det kvar tysdag liggja ein Costa-båt til kai i Flåm. Først ut er Costa Atlantica som har vore regelmessigt i Flåm sia 2004. Neste tysdag kjem heilt nye Costa Deliziosa og resten av sommaren kjem dei anna kvar veke. Begge skipa er over 290 meter lange.

Costa Mediterranean

Utendørs internettkafe

johnerik — Tue, 11 May 2010 12:36:44 +0000

Nytt av året på Flåm Hamn er tilbod om gratis trådlaus internettilgang. Tilgangen er berre for dei som kjem seg på innsida av hamnegjerde. Sognenett as er ansvarlege for installasjonen og har lova ny sendar med lengre rekkevidde og som er tilrettlagt for fleire brukarar. Først ute var mannskapet på MSC Orchestra som var godt nøgde med farten. Trass i sur nordavind var det heile 80 dingsar som var pålogga samstundes.

Sprett ny luksusyacht i Flåm

johnerik — Mon, 10 May 2010 12:47:10 +0000

Bel Abri er 52 meter lang

Bel Abri heiter den nyaste luksusyachten. Den kom til Flåm på fredag den 7. mai rett frå verftet i Nederland og skulle liggja over til laurdag . Naturen har tydeligvis falle i smak, fordi båteigaren forlenga likegodt opphaldet nokre dagar. Swimmingpoolen som ikkje var teken i bruk er no fylt opp med kjeldevatn frå Flåm. Måndag er det visning ombord for den yachtinteresserte verdsspressa og tysdag skal dei same journalistane/fotografane fylgja yachten på cruise i Nærøyfjorden. Du finn meir stoff om båten her http://oceanshaker.com/2010/04/09/superyacht-bel-abri-strong-exterior-lines-and-spacious-interiors/ eller http://www.liveyachting.com/amels-luxury-motor-yacht-bel-abri

Nytt skip 2010 – Queen Victoria

johnerik — Fri, 30 Apr 2010 07:39:49 +0000

Det nyaste av Cunard sine skip, Queen Victoria, kjem til Flåm 4. juli. Fleire hamner gjer slik som oss og seier nei når det vert for mange passasjerar samstundes. Etter seglingsplan skulle skipet vore i Olden denne dagen. Dermed tyder prognosane på at Flåm Hamn kjem ut med like mange cruisepassasjerar som i rekordåret 2009.

Fakta om skipet finn du her http://www.faktaomfartyg.se/queen_victoria_2007.htm